Qué é Pupa?
* Eventos
A nosa programación aposta por encontros onde a conversa e as prácticas artísticas se entrelazan para facer da arte e cultura un lugar de resistencia, comunidade e transformación.
Crisálide
Centro Xove de Creación Cultural (Santiago de Compostela).
7 de novembro de 2026. Comezamos ás 17:00h. Entrada libre e gratuita, ate completar aforo.
Crisálide é unha cápsula temporal que se abre anualmente no Centro Xove para acoller diferentes propostas artísticas e culturais. 🧚
Programación:
- Disiden.Cia – danza
- Averío – show drag
- Megane Mercury – hybrid DJ set
- DJs Gostosas: Clyta e Saya – DJ sets
- Instalacións artísticas (convocatoria aberta)
Evento en colaboración con: Centro Xove de Creación Cultural, Centro Cívico da Almáciga, Concello de Santiago de Compostela e Concellería de Mocidade de Santiago de Compostela.
Convocatoria aberta
Abrimos unha convocatoria para instalacións artísticas que se mostrarán durante o evento Crisálide o día 7 de Novembro.
Un día no que crearemos unha cápsula temporal para a cultura e arte alternativa, da que xorderán espectáculos de danza, drag e música. Queremos que tamén vos formedes parte coa vosa arte!
Admítense propostas de temática e formato libre. Dotarase económicamente cada instalación con 280€. A convocatoria está dirixida para artistas de entre 16 e 35 anos.
Para consultar as bases da convocatoria e enviar as vosas propostas:
En caso de dúbidas, e como método alternativo para enviar o dossier, podedes contactarnos a través de arte@pupacolectiva.com
* Pupa é colectiva
Somos unha plataforma de programación de eventos culturais e artísticos, comprometida co fortalecemento e a diversidade do tecido cultural.
Queremos abrir espazos de creación artística: artes visuais, cine, música, entendida como un proceso colectivo, político e cicatrizante.
Pretendemos construir un lugar participativo, colaborando con colectivos, artistas e asociacións cos que compartimos unha visión da creación artística dende a inclusión e a diversidade. Buscamos artistas que queiran conversar, compartir experiencias e encontrarse, co desexo común de crear e tecer redes.
* Pupa é curtametraxe
Pupa é un ensaio fílmico de realismo máxico dirixido por Antía Carreira, relatado a partir de experiencias de personas trans e non binarias.
A reflexión sobre a identidade e os coidados colectivos nárrase a través de imaxes fantásticas, fundindo motivos naturais e cirúrxicos.
Proxeccións e premios
Pupa conta con dúas liñas de distribución: unha en colaboración con La Machina, e outra máis flexible, orientada a espazos e proxectos autoxestionados.
A obra inicia o seu percorrido en 2025 dentro da programación Cinex Braga 25 (Braga, Portugal), proxectándose por primeira vez en maio dese ano. Pupa continúa a súa traxectoria no Festival Internacional de Cinema Curtocircuito (Santiago de Compostela), en xullo de 2025, onde consegue o Premio Supernova.
A peza tamén se presenta na segunda edición do evento Buena Pregunta (A Coruña), e no espazo Leira Haus (Lugo), ambas proxeccións no mes de setembro. A curta chega aos Premios Fouciño (Baio, A Coruña) en outubro de 2025, onde é premiada na categoría xeral.